الطيب غايـة والنشامـا مشاويـح - سعود القت

الطيب غاية والنشاما مشاويح
واللي يعكس الطيب ماهو بمسموح

مره دعونا الطيبين الطحاطيح
اللي لهم بالطيب والمرجله شوح

وضفنا بمجلسهم على هبة الريح
وجوهم من اهل المرجله كم طحطوح

ونابو عن الدلة بعصير تفيح
وقالو شراب الكيف ماهو بممدوح

ولافيه داعي للدلال المفاويح
هذا عصير الفاكهة غاية الروح

وقومو تعشو يالوجيه المفاليح
وبعد العشاء نبغا سواليف ومزوح

وقمنا نبا القعدان والا المفاطيح
وليا العشا مغير بوفيه مفتوح

وكلٍ مسك له صحن والهندي شحيح
لو قلت له زيد الصحن قالك روح

ورحنا نعارك والاكل نصه يطيح
ما بين شوك وملعقه تخر جروح

واللي ما عنده ملعقه بالمفاتيح
لا تاكل بيمناك تراك مفضوح

وقمنا ليا نص الاشافي مجاريح
ولا تسمع الا كثرة الأح والنوح

ما دوّم احدٍ والدعاوي تساميح
وان دوّم احدٍ قيل مافيه مصلوح

وبعد العشا قالو هاذيك المراجيح
اللي يبي يلعب ترى اللعب مسموح

ورحنا بعدها للمطاعم طفافيح
ولا يقارن المندي ابوفيه مفتوح

وهذي رسالة طيب ماهي بتلميح
من قام ما دوّم نقول إله يا لوح

© 2024 - موقع الشعر