ودي موت

البارحه سجيت والفكر سجا
‎بليلٍ دجى ضو القمر ماولج به

من فوق جمس ٍ واشع ٍكل فجا
‎مع الوعر لودي موت انعرج به

لقفر ٍخلا فيه الوحش يستلجا
مرتاع ظبي ٍخاطري يبتهج به

وأشعمت فكر ٍمرجهن ٍولجا
‎في خايعٍ وبل الحيا مادرج به

مزنه ترادف بالجزايل وصجا
‎رعادها من هاجس ٍ يلتعج به

واتل قلب ٍ شجه الود شجا
على ليالي ماضيه تنبلج به

قمت اتطرى وقت يمه ندجا
نطوي صحاصيح ٍ قبل نندرج به

والنوم زاور موق عيني وهجا
‎أخلف لي الهاجس وحزنه نهج به

وعديت مزموم ٍ وصدري يضجا
‎أثر الجروح الغافيه تختلج به

منها الذي خج المعاليق خجا
جرح ٍ من سنين ٍ سطا وانمرج به

شبيت به ضوي وحيد اتنجى
‎وليلي سرى والصبح نوره دلج به

وعادتني الضيقه ودمعي تثجا
‎على زمان ٍ صادقه ينفلج به

الوقت متغير وقافيه عجا
‎وكثر المجامل خاطري ينزعج به

يالله ياللي لك عبيدك تحجا
‎يا باعث ٍ طه بدين انتهج به

لغيرك فلا أحني هامتي واترجى
وبأمرك يزين الحال ومنك الفرج به

#خالد_السرحاني