رمح المبادي

يامحرق أعصابي بتدبيرك الشين
وش عاد بي باقي...... ماحرقته

أرخصت لعيونك سنين و ملايين
ولاغزرت كلها ...وملحي نكرته

خذلت قلبي بين جرة وتلحين
رده علي( أرجوك )دامك خذلته

أبصر طريقك لاتعلل ب هالحين
رمح المبادي... في ضميري ركزته

ليا متى واحنا على الوجه ماشين
قلي : (بربك )شي منها حصدته

غربة وهم وفوقها منك جرحين
جرح الملام.... وجرح خافي دفنته

يعني (غلط) من أوله تعرفه زين
ليه اتمادى فيه دامك عرفته ؟!!

عيالي اللي تشردوا حادهم بين
كل ماخفوقي حن عليهم زجرته

أقول نصبر والصبر عاقبه زين
لي ما متون الصبر كلت وبحته

ياصاحبي عقدة وتراها بلا دين
تعيشها من نقص بيدك سطرته

ماهو بذنبي إني حفيدة سلاطين
ذنب الزمان اللي بوجهك عرفته

لولا الحيا من طالع الناس والشين
الحين دربي عن جنونك ...فرقته .