دقة الحنية - عبدالكريم العفيدلي

راكب اللي لا  ادلهمت  ريح  صرصر
من طراز (الميغ)  صنعة   قيصرية

لا حمى الميدان صحنا  ( الله أكبر)
كنها  أبو  سرحان  يدرع   بالشلية

لو تشوف ش سوت بطابور  عسكر
كالعصف  ماكول   هايم   بالفضية

في محياها تشوف الموت  الأحمر
يوم خرت شالت  أوراق  و قضية

من جدار  الصوت  تبعث   للتقهقر
صدعت   بالدور   ترسل   هيلعية

كنها  خيل  الصحابة   يوم  تصفر
لا  حشا   التشبيه   لكنها   مطية

فوقها   قرم  مجرب   كالغضنفر
يعرف   يدير   اللجام    بمقدرية

يوم ضاقت والحرايب نار  تسعر
عجل  الكبسات  و أرسلها   قوية

العقول اللي ادحرت في يوم هتلر
مستفيضة ، و قادرة عالملحمية

وابن عمي عايش  بتاريخ  عنتر
وإن حديته خورف بدقة الحنية!

© 2024 - موقع الشعر