المسافر - سعود العازمي

يا هيه يا كثر الهواجيس كثراه
يضيق فكري كل ما ضاق صدري

يطري عليا كل ما حل ذكراه
لا هب نسناس الهوى دوم يطري

سبت وليف ٍ راح يا شين فرقاه
قبل الموادع ليته اليوم يدري

سافر وقلبي سمر اليوم وياه
لو قلت بدري يا ريش العين بدري

اعيش في ذكراه لا هل طرياه
واسامر انجوم السما لين تسري

قلب ٍ مولع مدري اليوم وش جاه
حاولت ابصبر مير ما فاد صبري

ما هو بكيفي اجبر القلب وانساه
عجزت والله بين قلبي وفكري

متغلغلن حده من العشق رواه
مثل النهر لا جاه شلال يجري

حبه بقلبي زايد ٍ زود مقواه
يجبر قلوب ٍ من هوى البال تبري

ارجي من الله يحفظه ثم يرعاه
دامه عزيز وعارف اليوم قدري

© 2024 - موقع الشعر