شـــــوق الـــوصـــال

(شوق الوصال)
الليله الضيق عندي واصل حده

الشرق الاوسط بكبره ضاق في عيني
والدمع أرده وبعض أحيان ما أرده

حرارته تشعل الاوراق بيديني
ياحر شوق الوصال اللي بعد مده

تكويه رغبة لقا الغالي ويكويني
لهايب الشوق فالاضلاع مشتده

تحملي نبض قلبي ياشراييني
على أقرب الطائرات اللي تبي جده

تجملي ياخطوط الجو وديني
الجو مفتوح ولأمآل ممتده

والشوق - عن بعد - أناديه ويناديني
سهره معه لو يعشيني من البده

سوى بلايين عند أهل الملاييني
لابد أشوفه وأحطي أيدي على يده

وأسقيه كاسات من حبي ويسقيني
واذوق من شفته واقطف زهر خده

واروي عطاشا جوارحها وترويني
والله لو النجوم تشوف ما أهده

مافيه قوه توقف بينه وبيني
ياخافقي عن عيون أهل الحسد صده

وياقذلته عن عيون الكون غطيني
البعد قاسي يسل الجسم ويهده

والقرب بلسم يريحني ويشفيني
ويا من سأل عنه من خاله ومن جده

أهله عضاوين وأعمامه شداديني
شاعرالمستحيلات