وشفيك متغير وما قلت وشفيك

لـ عبدالمجيد سعد الرشيدي، ، في الصداقة والاخوه، آخر تحديث

وشفيك متغير وما قلت وشفيك - عبدالمجيد سعد الرشيدي

وشفيك متغير وما قلت وشفيك
الا لانك بالمراجل سنافي

ولا الردي لو صد مقلت مافيك
غييته عن دربي تجيب العوافي

اقوله وانا عزيزن مصافيك
لو كشرت بقعاء على العز وافي

يثبت ليا شان ادهر مايخليك
يثبت وياقف مايجيه اختلافي

انا ولد عودن يحل الشرابيك
مطنوخ راس ميهاب و يخافي

ونت ولد عودن لياطروه يشفيك
فعله وصيته بالجزيره يشافي

منت ولد منهو يخيب هقويك
ولانتا دنوعن بالهروج اصخافي

وان كان ملديت للي يناديك
جوك تغبر وجوي اليوم صافي

ولاتنتظر مني بعدها ادريك
والله ولوتمشي على الارض حافي

جيت اسالك مجيت مخطي يراضيك
لو كنت مخطي مرسل اليوم قافي

وان كان بك شكٍ وظنك مسريك
من يتبع اسود ظن بالناس هافي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر