سلامي على راشد من اليوم لآخر يوم

لـ حمد بن توزان، ، في المدح والافتخار، آخر تحديث

سلامي على راشد من اليوم لآخر يوم - حمد بن توزان

سلامي على راشد من اليوم لآخر يوم
سلام الجنين اللي بعد ما أكمل العده

سلامي عليه عداد همال نوّ غيوم
عداد السيول اللي تحدى بحر جده

سلامي على النادر سلامي على الزيزوم
سلامي على اللي أقبل بعد طالت المده

أعدك وأنافس بك وفوق الطوال تحوم
ياحرّ يصيد الكايده كل ما آهده

كسبت المراجل كلها وأنت سيد قروم
وأنا أفخر لما قالوا صغيرك محد قده

وأنا اسأل عسى الله يحفظك لي خطاك اللوم
وتكبر واشوف الفارس اللي شبه جده

تباشر بك الأفعال وبك البخل مهزوم
ومنك الشجاعة تنتظر راعي الشدّه

هلا ياسديد الرأي وأرحب عقيد القوم
هلا بك على يمناي محسوب وآآآعدّه

✍️ح مد بن توزان✍️
© 2024 - موقع الشعر