البارحه جتني بنات التفاكير
يوم الطواري فوق راسي تحومي

أسترجع الذكرى بذيك المشاوير
يومي على المقناص دايم عزومي

أنا هواي ورغبتي هدة الطير
وانا هواي ادوج بين الحزومي

وانا هواي دلال صفر ٍ مباهير
أشرب من الفنجال وانسى همومي

اشب ضو ٍ في ذرى فيةْ عصير
واباشر اصحاب ٍ كرام ٍ حشومي

احب لكن مو مثل سالم الزير
من رغبتي بالطير أشري واسومي

وقت القنص ماحسب حساب الدنانير
والرزق عند اللي بخلقه رحومي

كل ٍ على ماقيل في وجهته غير
يتبع هواه وكل نفس ٍ تهومي

ومن وجهتي ماضنتي باخلف السير
مادام فيها طيبات ٍ علومي

الطير وما أدراك ياصاحبي الطير
لا صرت انا وياه أنسى همومي


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر