دار الصباحي - سعود الجوفان

ياهاجسي دام النوايا مغاتير
ورد على الميدان عرضه وطوله

إغنم سنام الشعر قبل الشواعير
اوصل قبل كلن يجيلك بزوله

إثبت وجودك ياملا الهشله وطير
بنافس الشعار في ربع جوله

عجمي ومليانٍ براسه سعاطير
يشوش لامن زان فعله وقوله

تشهد له الجهراء بذيك الاساطير
القصر الاحمر من شماله وحوله

ابغي ليا منها اصطكت جماهير
يفز لافزوا واذا صفقوا له

ان قال جده غير قله عسى خير
وش له تقارن لك مدينه بدوله

دولة صباح اللي حموها المناعير
اللي لهم مرقاب محدٍ يطوله

دارٍ ربتني يوم أنا عادني صغير
ذراي من جور الزمان وميوله

سلام يادار الصباحي مسا الخير
الليل ذا يادار دقت طبوله

تمخطري ياكويت جيت بتعابير
جيتك أحيي فيك دور البطوله

في عيد الاستقلال وفي عيد تحرير
ارضك من ايدين الطغاة بسهوله

اللي غزونا دون حجه وتبرير
والله لابارك بفعلٍ سعوا له

ماهوب عاقل يوم شن الجنازير
ولا صدق اللي بالخفا طبلوله

وقف لنا العالم وصف الطوابير
واطلق على الجيش الشمالي خيوله

رده مثل رد الغنم للمحاصير
وام المعارك عودت للدحوله

نصرٍ من الرحمن منشي المزابير
اللي جعل لنا كيانٍ ودوله

تباركي ياكويت يامنبع الخير
اسمك يشرفني ليا جيت اقوله

© 2024 - موقع الشعر