ما عندي اغلى فالبشر من جواهر - مسفر جمعان الصفا

ما عندي اغلى فالبشر من جواهر
هي غير في قلبي وحتى اسمها غير

اهديتها كل الغلا والمشاعر
محبّه وْ شوق وْ معزّه و تقدير

اصدق غرامٍ بين ماضي وْ حاضر
تزفّ له روح المولّع تباشير

حبي لها في عالم الحب نادر
وانا هواوي والمحبّه مقادير

ريميةٍ تسلب عقول وْ خواطر
بْعذب الجمال اللي يفوق اي تصوير

في حسنها تضيع كل المناظر
وتزمي على كل البنات الغنادير

احبها ومن اجلها صرت شاعر
وسبة غلاها صرت ظمن المشاهير

بدعت فيها من قصيدي نوادر
ولها زرعت القلب ورد وْ نواوير

حبيبتي بنتي حياتي جواهر
هي غير في قلبي وحتى اسمها غير

© 2024 - موقع الشعر