وين أمي ؟

وين امي ؟ . . بنتي جننتني عليها
يا ويل حالي كيف اعلمها : ماتت

كبرت . . و صارت تنتظرني اجيها
باحلى الاماني . . عندي احلام نامت

يا بنتي ما عادت لنا . . . لو نبيها
ادعي لها بالمغفره حيث : كانت

امك تحب الخير . . و الخير فيها
امك لها ذكرى . . و بالقلب عاشت

وش رايك بكل يوم نرسل . . اليها
دعوه و صدقه شوفي الدمعه طاحت

ماتت . . . و لا فكرت احد ٍ يليها
إلا هذيك اللي لقلبي . . . تمادت

يا بنتي . . . كانت امك اللي تبيها
فيها حنان الارض . . و آمالي تاقت

إني اكون لوحدي ماسك . . يديها
عروق كفي عقب فرقاها ناحت

امانه يا بنتي وصيه . . . خذيها
مها عظيمه في فؤادي . . . ما ماتت