الطلاق مشكله ما لها حل

صح الطلاق إيحل بعض المشاكل
لكن يسبب مشكله ما لها حل

ايشتت كيان اسره ويهدم منازل
وبعد الموده يزرع الكره والغل

ويعيّش الاطفال في وضع قاتل
ويبقون طول العمر من ذل في ذل

أيتام لكن ما كفلهم تكافل
لا ظمهم منزل و لا ظلهم ظل

واخير من كثر الحكي والتطاول
ما قل من جزل المعاني وما دل

علاقة الاسره علاقة تكامل
دستورها تدمح زلل كل من زل

واللي ما يصبر فالحياه وْ يجامل
يْبهذل العالم معه ويتبهذل

ولو البشر تعيش فن التعامل
ان كان ما به مشكله ما لها حل