من غبت عن عيني

لـ مبارك الاسلمي الاسلمي، ، في الغزل والوصف، 45، آخر تحديث

من غبت عن عيني - مبارك الاسلمي الاسلمي

من غبت عن عيني والاشواق تزداد
فيني نزوع النفس والشي مفقود

صار اتجاه الشوق مظلم ومنقاد
وتغيب بعيوني مسافات وحدود

حتى حرم جفني عن النوم مرقاد
وبقت محاسن مظهرك حلم ورقود

ان ماسكنت أبلاد بعيوني أبلاد
احكم ولك فيني قوانين وجنود

ارسل طوابير المشاعر لك أجهاد
ماينهزم دامك على عرشه تسود

بعض الغلا ثابت ولو ماله اوتاد
مثل الجبال اوتاد للأرض وتجود

وألا ثبوت الطيب بيدين الاجواد
بذل وعطاء ولا تحسف على الجود

عجزت ادوّر لتواريخ ميلاد
وعجزت أميّزمظهرالبيض والسود

من غبت عن عيني والاشواق تزداد
وأبى عليّ الجرح من عنصر اليود

© 2024 - موقع الشعر