أخايل هجوس ٍلفت لي مراديف
وناض الفكر والقاف جاوب لميعه
تداحمن بيوت مدحي مزاهيف
في شمر اللي دايم ٍ بالطليعه
هم مزبن اللي لايعته الصواديف
وأمجادهم مانبتدعها بديعه
هل السخا من دون كذب وتزاييف
تشوم عن درب النفوس الوضيعه
هل الدلال المكرمات المهاديف
لليوم من دور السنين المجيعه
ذخر الرجال اللي تغيث الملاهيف
وللضيف ريف وبالمواقف شجيعه
غلبا على ضده حرار ٍ مهاييف
مطوعة كل غاوي ٍ ما يطيعه
من فوق طفقات المهار المزاغيف
ياما رموا كل عايل ٍ بالوسيعه
واخص ربع ٍ للشهامه مواليف
مايوم نجزاهم بصد وقطيعه
إن جيتهم ماحسبوا للتكاليف
وحلو النبا والطيب فيهم طبيعه
الخوه اللي شامخه بالمشاريف
تبقى ولا تشكي بيوم الهزيعه
خوة رجال ٍ ماعليها تحاسيف
وأفعالهم بالقاف حق ٍ نذيعه
وختامها ياهل الكرم والمواقيف
منّا لكم عهد الوفا مانبيعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين