أعجز عن وصف حبيبتى - السيد اسماعيل

كتبت الشعر وحفظته
وكل الشعر لخصته

فى وصف عنيكى خلصته
وماحسيتش إن له تآثير

أكيد الشعر مش قصده
لإنك حاله فعلا غير

يا أحلى من الكلام بكتير
أنا العاجز عن التفكير

بشوفك قلبى بيهفهف
وأحس بإنى هتفلسف

عشان قصرت فى التعبير
معاكى بتوه وبتحير

وأحس بإنى متغير
وكل الشعر يتبخر

وبيزوغ الكلام ويطير
هقولك إيه

إلا إنك تاج
وحطيته فوق راسى

وإنك جوا منى علاج
بيشفينى لما أكون محتاج

لحد يطبطب على قلبى
أحس براحه لو جنبى

هقولك إيه
مفيش مكيال

مفيش أمثال
منين راح أجيب

كلام يوصفك حبيبتى
© 2022 - موقع الشعر