يافلاح سعود

يافلاح سعود والخيره خفيه
انت لك حاجه وانا محتاج حاجه

يافلاح الوقت مايسلم وطّيه
من وطاه الوقت مايلقى علاجه

فيه نركض بالصباح وبالعشيه
ونترزق بالسكوت وباللجاجه

الوعد ياسعود من بعد الضحيه
غيرها ماضن يحصل به مواجه

انت وافي بس مالي مقدريه
صاحبك مضغوط مايصفي مزاجه

حي من يصبر على ضيقة خويه
لين غيم الخير يقفي بالعجاجه

ويش لو وقتي علومه سرمديه
صاحبّك ياجيت يضحك لك حجاجه

ويافلاح سعود والخيره خفيه
يقسم الله بيننا شوف ومواجه