ياحيف !!

‎ياصاحبي وان كان تنشد عن الحيف
‎الحيف كيف ابليس صدقت ضنه

‎اغواك وابحر بك بليا مجاديف
‎اوهم عيونك والحقيقه يرنه

‎بحضورنا في وجهك الحقد ماشيف
‎وبغيابنا حربك علينا تشنه

‎حنا نبي من بعض الاثام تخفيف
‎عل وعسى يكتب لنا الله جنه

‎ياما فعلنا من جزيل المعاريف
‎والحمد لله فعلنا مانمنه

‎قد قالو رجال بلاوي وعرّيف
‎ملعون معروفٍ تقفاه منه

‎خوينا في عاليات المشاريف
‎بجلودنا نجلى النواميس عنه

‎ولضيفنا نرخص كثير المصاريف
‎ونمنع ذعاذيع الهواء يزعجنه

‎والجار لو قربه شرور وعواصيف
‎نبعد علومٍ ياسمع يلهدنه

‎اسمع فهذا قايله مات ماشيف
‎لاكّن قيفان الرجل خلدنه

‎ترا الخوي والجار والثالث الضيف
‎مثل العمل مابين فرضٍ وسنه

‎وان كان للحينك تنشد عن الحيف
‎فياحيف كيف اللي فعلنا تكنه