ولد سلمان

‫يكفي الامير اللي دحم ساحة الخيل‬
انه وعد واللي وعد فيه جابه

كاس المؤسس مايجي بالتعاليل
ولا التمني والسعه والرحابه

سبعة عشر راسٍ بهن يرجح الكيل
من طيبهن روس الرجاجيل شابه

وصرح قبل لا بالسماء يبدي سهيل
ودامه ولد سلمان وين الغرابه

اقبل بحمراءً ترعب القلب وتهيل
مجتاحه اللي سعد منهو هقابه

فعله ليا لزت بدقه وتفصيل
سيفٍ لابو تركي معزي غزابه

ولونه عقب ماسال دم الرجاجيل
من سلته ياما تعدى نصابه

وفي ساحة البادوك قدم المشاكيل
بنتٍ لشيخ وزينت في خضابه

ياقاه من دون الحرم برك الفيل
وعلى ابرها سلط غضبه وعذابه

ارسل عليهم خالقي طير ابابيل
لين اعتقت مكه ونظفت شعابه

ويكفيك يامير التواضع اليا قيل
سعود قال وكل قوله وفاء به