لعيون غالي

رجعنا للواقع . . وصرنا به اغراب
خليني ارجع عايش ٍ في .. خيالي

دام الامل في لقيا هالوجه : منصاب
تبقى بخيالي دوم اغلى . . حلالي

دام الحقيقه شاعرك ماهو مرتاب
اسألني عقب فراقنا : كيف حالي

عليل حالي داخلي ثورة احباب
ما دام واقعنا . . . يدمر خصالي

الحب دايم متهم دوم . . . كذاب
والحب له صوره جميلة . . مثالي

الصدق حطوا في دروبه الاسباب
اللي تخلي صدقنا في . . . انعزالي

والثالثه اما الوفا ما هو ... نصاب
ياما عليه أركيت . . . حمل الليالي

والرابعه صبر ٍ غدى اليوم : ينعاب
بيح كنين الصدر . . . لعيون غالي