كل ما جاء حفلةٍ يطلع لنا شيوخٍ جدادي
مشيختهم ما تبين الا على كروت العزيمه
ابن شيخ وماخذٍ له بنت شيخٍ له معادي
وجوا يجرون البشوت الوان يامال الغنيمه
مشيختهم فالكروت اللي تمد إبها الايادي
و غيرها لا ترتجي منهم مواقيفٍ عظيمه
وجت كروت الشحذه اتوزع على اطوال الايادي
من غلاك نْبيك ذالليله تشاركنا الوليمه
والهدف معروف ما يخفى على اصحاب المبادي
الطمع ياصاحبي في مد يمناك الكريمه
لو تجي من غير شي يْلبّسونك بالسوادي
وْيتهمونك بالردا والضعف والنفس اللائيمه
والصحيح اللي بليا شك والعلم الوكادي
يالرّجال اهل المعرفه و المواريد الحكيمه
والله لو لارفاد تقطع ياهل الراي الرشادي
ان تبيح الشيخه اللي ما لها معنى وقيمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين