تنين الصناديق
ياتنين الحرك صناديق الاقتراع
ونريد نعرف ياهو بطل فلمها
يكلولون من السما نزل بساع
وحركها بناره واختفى عنها
الأثر مو اثر تنين اثر باع
ياهو من السيايين اغترف ذنبها
خل يطلع ويكول انا الشجاع
صدام رجع بس ماعلنها
ياجوه الكلاب الضمير نباع
وانباعات الدوله بكل بمناصبها
اريد اعرف المسبب هساع
تطلعونه ويعترف شنو مكامنها
حكومتنه مثل حكم الضباع
تأكل براحه وماتعرف الجايبها
ياشعب انهض وخلك شجاع
وخبط الرشيده وكل حبايبها
يمتى تصحى وتكطع ذراع
وحكومتنه كصص كل مخالبها
شمتانين مو خبر فقرنه شاع
وطنه اغنى دوله بمواردها
كافي عيب الشرف ينباع
وبالغيره حنه ابوها وخوتها
حيدر آل منديل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقة و 15 ثانية
© 2019 - موقع الشعر - بواسطة شركة المبرمجين