إن مت ياضيدان ماني بباكيك - سعد عبدالله الهتلاني

البيوك التماتيك تخلف ضيدان عن مأدبه أقامها
المحامي ثامر المجدعي له ولسعد بمنزله بمنظقه

هدية الكويتية وبعد ايام جاء ضيدان لصديقه يشتكي من
المرض وكبر السن، فأجابه سعد بهذه الأبيات:

إن مت ياضيدان ماني بباكيك
و ان مت انا لياك تبكي عليه

مانت بكفو ياعود لامت نرثيك
ما خبر منك الا الشقى والأذية

نسيت يوم اتعبتني في ترجيك
العصر يوم ان العشا في هدية

تبغي المحامي يالردي يتصل فيك
وش انت حتى ماتجي بالوصية

عود معقد والتعاسة تباريك
و مؤهلات معا لجيتك ردية

ياخف نفسك قبل تثقل مخابيك
و اليوم حتى ماترد التحية

يا والله اللي به رجال تساميك
لاشك يابعد السمي عن سميه

جاتك و انا راعي البيوك التماتيك
فيها اعتزي و لا اعتزي بالمطية

نقطع امداد من طرفنا يغذيك
يومك بطول و نيتك قلبية

© 2022 - موقع الشعر