البارحة قامت توادعني على نية سفر

البارحة قامت توادعني على نية سفر
قالت تراا بكره نبي نمشي برحلة ممتعه

ياليتها يوم(ن) نوت ماعلمتني ب الخبر
ضاقت علي الأمكنة ياخاطري وين السعه

سكت لحظة.. ماحكيت , الي حكا بس النظر
غصت بي الكلمة وعيني غارقة في مدمعه

حاولت أقوي من عزومي وأتحلا ب الصبر
تلعثم ب فمي حكي صرت الكلام ..أضيعه

هديت من روع الخفوق ب ورد وآآيات وذكر
الين جمعت الكلام الي ابيها .. تسمعه

كلمتها والبحة اللي في كلامي .. تحتضر
عاتبتها ليه السفر ؟ حاولت أبيها تمنعه

قالت وفي نبرة حزن .. مالي على أهلي أمر
ومن القهر حتى انا معهم جمعت الأمتعة

صارت تعذر والغلا في خافقي ماله عذر
ما أظن للقلب المتيم أي عذر يقنعه

جاوبتها يااراحله ماعاد أبي بعدك .. عمر
عمري وجودك والهوى قطع حبال الأشرعة

لا لاتتركي قصة هوانا في غيابك .. تنتحر
سوالف الغياب ل القلب المولع .. موجعة

في وقت تنوين الرحيل ترا حياتي في خطر
قلب(ن) يبي قربك تراه يموت يوم تودعه

خالد