إعلان - سيدعبدالغني عبدالصمد

اعلان
 
ياصحاب ٠٠٠
بافكر اعمل اعلان
يمكن يكون فوضوى
يمكن يكون حامل صولجان
لكنه ف النهاية
مجرد اعلان
******
اعلن ...
وبكل جرأة اني
مستعد لأى شئ
أى شئ
يمكن حدوثه على هذى
البسيطة
كل الحكاية
انى خلاص كبرت
وعقلت وفهمت
القضية
وعرفت ان الانسانية
لابد ليها من ضحايا
لذلك اعلن
وابصم بالعشرين
قدام الملايين
وقدام المرايا
وقدام كل الخلق
انى برئ منكم
ومن اى حد
يقول كلام تانى
الى يوم الدين
*****
مين صاحب الفكرة ؟!
مين اللى قايل ان بكره
بييجى كل يوم بعد النهاردة؟؟؟!!!
وان المحبة والمودة
مش بتيجى بعد الموت
طب جَرَّب كده
جرب وموت
وانت تشوف
الحقيقة واضحة
مفيهاش بهتان
وان كل الهويةالانسانية
بتموت
على كل الحدود
******
ارجوكم
اسمعوا صوتى المدبوح
اسمعونى لطلوع الروح
اوصفونى بكل وصف
عليه تقدروا
لكن احذروا
تقولوا انى انسان
لانه وحسب الاعلان
(( الانسانية لابد ليها من ضحايا))
وانا مش مستغنى
ارجوكم ... ارجوكم
سيبونى اغنى
******
بقلمي@سيدعبدالغني عبدالصمد
© 2024 - موقع الشعر