فارس وخيَّال….
الى صلاح چاهين
٠
٠
٠
يافارس الحلم القديم
ياعذاب السنين العجاف
لسَّانى بخاف
بارتجف ساعة السؤال
واحتمى ف حزنى الاليم
واسألك…
لحد امتى..؟!
لحد امتى ح تفضل جوه مكمنك
لحد امتى..؟!
ح تفضل حروفك
وكل احبالى الصوتية؟
لحد امتي..؟!
ح تموت
ف ضل التوت؟
والبيات وسط الفصول الاربعة
لحد امتى ح يفضل يسجنك..؟!
باتخيلك
كنت زمان…. باتخيلك
فارس نبيل ..
فارس للحزن آه
لكن… نبيل
مليان بالجرأة والامانى
وللغلابة تميل
يافارس الكلمة الاصيلة
كان خيالى بيجمح بيا كتير
وانا..
يافارسى النبيل
فقير
ضعيف على احتمال
نفس الحلم القديم
يافارس الحلم القديم
#بقلمى@سيدعبدالغنى عبدالصمد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.