كلمة مش جرح

كلمة مش جرح
 
 
 
 
 
 
 
 
 
 
 
جميل..
لما تغني ونسمع صوتك
ياللي بتكتب شعر
عشان الطرح
والأجمل منه إنه يبين إحساسك
بين فرح وترح
وكمان الأجمل
لمانعيشه معاك أوقات
ساعة ماتدوس بكلامك
ع الجرح
أو يعلا صوتنا بزغرودة وياك
ف الفرح
بس ح أقولك
كلمة وفكرة
مش كلمة جرح
لازم تثبت على حاجة
مش عمال تتمرجح
وتمرجحنا جوه قصيدة
تعمل يخني
وإحنا علينا
نمد إيدينا
وناكل
بس
لا ياعنيا وضيِّ عنيا
خلي إدامك واحد
مش فصحى وعامية
خليك زي النخلة
ثابت ف الطرح
ده انت معداوي
بالشعر وبالمغنى
وشارح للواقع
بالقافية وباللازمة
فهمت كلامي
والمغزى
ولَّا زعلت ف شيِّ
خليها ف دماغك
فكرة... لبكره
عشان الجَيِّ
بقلمي@سيدعبدالغني عبدالصمد
جمهوريةمصرالعربية