شيطان الشعر؟؟!! - سيدعبدالغني عبدالصمد

شيطان للشعر!!!!
 
 
 
 
 
 
 
 
 
 
 
 
م الآخر كده ماتقولشي
إنه شيطان للشعر
ولاوسواس
ولاهادينا لطريق الشر
ولاباعدنا عن طريق الناس
ده شئ كده جوانا
بيدَوَخ ولايدوخشي
يعري فينا مشاعرنا
وأبداً مايسترشي
ورافع رايته على راسنا
ومعلمنا
عشان مانتوهشي
ولانتوبشي
جوه بحوره عايشين
وبنبلبط
اللي جوه ف الغريق
واللي لساه بيتعلم
واللي قاعد هناك ع الشط
كلنا دايرين ف دايرته
اللي باشا واللي بيه
واللي إيه واللي
مالوش حتى ف الخط
بس حاسس بيه
واللي بشهادة
من إسمه إيه
واللي عامل نفسه إيه
وهو حتى م الهوا بيكش
أصل العبارة
مش شطارة
ولا عمرها كانت بالغش
الحكاية كلها
إنها
أحاسيس ومشاعر
بتنهش فينا نهش
تطلع ماتطلع
ولما تطلع
بيبقى ليها م الوشوش
ألف وش
وتفهم ماتفهم
أصل بطن الشاعر بير
واللي باين منه وِش
وقالوها زمان ف الامثال
على حدِ ما أعلمُ
كل لبيبٍ بالإشارة يفهمُ
بقلمي@سيدعبدالغني عبدالصمد
جمهوريةمصرالعربية

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر