بن عجل - مبارك الاسلمي الاسلمي

يالله يلي بمرك تسوق الارزاق
يالواحد. اللي كلنا نلتجيبه

من بعد ذكرك جبت بالشعر مالاق
وكتبت تاريخ الشيوخ المهيبه

اللي لهم بالمجد رفعات الاحداق
يوم الملاقاء والسنين العصيبه

نسل المكارم ثابته والوفاء باق
وأكبر دليل فعولهم فيه طيبه

بن عجل شيخ المراجل والاخلاق
سعد شمخ ذكره ونفسه رحيبه

ابوه زيد اللي جنى طيب الاعذاق
متوارث علم الفخر ويعديبه

وابوسماح الي على الخير سباق
عوده تخيّر منسبه طاب شيبه

شيخ ن مثل فعله له المدح ينساق
يستاهل الشيخه تواضع وهيبه

طيبه جبله. ما فعلها اليا راق
حيد ن يذري عز من ينتخيبه

من لافعل فعله عن الطيب منعاق
نادر ولا احد ن مثل فعله وطيبه

اقولها. صادق ولا قلتها انفاق
الكايده. لا من بدت تنتهيبه

هذا الذي يقضي بفعله لمن ضاق
يالله عساء التوفيق يبقى نصيبه

© 2024 - موقع الشعر