ياللي بتلعب في الخوادم - ريمون سليمان

ياللي بتلعب في الخوادم
مشيك ده كله ضياع

ما الخوادم دي قوادم
والهبد بالإجماع

ماتشغل يا إبني مخك
وبلاش بقى إحراج

وارحمني من هطلك
داحنا ماشيين بعلاج

يعني التعليقات تعطل
نبدأ قوام بالعك

لا دأنت شكلك أهطل
لما يبعت لك مارك

يعني الفيس بوك يعطل
مارك يسيب النوم

هيبعت لك رسالة يا أهبل
بالعربي ما هو مصدوم

محتاج منك مساعدة
تلحق بسرعة الفيس

تبعت رسالة خايبة
ويبدأ التهييس

وأهي الرسالة ماشية
والعك والتلبيخ

إمتى رئيس كوريا
يضربنا بالصواريخ

أو حتى يضربنا نيزك
يقضي لنا عاكوكب

ما هو يكون أبرك
ما أتشل وأتعذب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر