ياعيون مرقبٍ - سعد بن جدلان

ياعيون مرقبٍ فعل الجداير
في صعانين الطوال المستديره

صاحبك يعطي على شوفك بشاير
ديرةٍ منتو بها ماهي بديره

من خذا منكم خفيّات السراير
والله انّ يبطي ولعكم في ضميره

لبةٍ بين المعنّق والزراير
مثل شمس الصبح قدّام السفيره

ويتفرشها من الخمري ستاير
ذيل شقراّ شعشعت قدم المغيره

جوهرة قارون غالية التجاير
أشهد انّك بهجة العمر الكبيره

واحدٍ حضّك مع حضّه يساير
شايفٍ القدر فالعشر الأخيره

جعل أبو من لامني حمر المناير
في محبّة واحدٍ مالي بغيره

© 2024 - موقع الشعر