امشي مع القمرا واغادر دياري - عبدالرحمن الجربوع

امشي مع القمرا واغادر دياري
واسلى مع اشعاري بليلي وساري

في مركبي وحدي رفيقي مساري
ابعد على بعدٍ بوسط الظلامي

ول يانتصف ليلي وقفت برضومي
اجلس واسامر في سماي النجومي

ارتاح لامن شفتها من همومي
كل نجمةٍ وسط السما له علامي

وانسى محاسيدٍ وخلقٍ هذيّه
ماهمهم غير النميمه واذيّه

ما ينسلم منهم رعاعٍ رديّه
يمشون بالفرقى وشاة الكلامي

يالله عساك بفعلهم تبتليهم
يرجع عليهم زايدٍ في سنيهم

ياكل عليهم كل خضرا تجيهم
حتى يعم الناس حب وسلامي

© 2024 - موقع الشعر