دياري صابريه ,,بني المنتشر

سقى الله ديرتي مزن السحاب ودومة الخلان
كساها دوحت (ن) للمجد مرباع (ن) حماياها

عطاها جودة احبابي عطاها البرك والريحان
عطاها العز والفرسان واجزل في عطاياها

تلعلع في بيارقها وعزوة من لفاه احسان
عزاويها ..معاركها..تحاكي لك مطاياها

على سبعة مواني رسمه من قبلنا جدان
بذاك السيف والبندق لهيبه في شظاياها

قبائل جبنا ونعم ..وياما عزهم قد بان
محبتنا لجيران (ن) منيفه في سواياها

حشا والله مانجحد رفاقه قادها فرسان
معانا في نسب خثعم وعزوه في حناياها

دياري صابريه في مساكنها وفي الوديان
تحف المجد من ساسه وترقي في نواياها

كثير اللي يقول انه معانا صابري ولهان
يدور مجدها مكسب ولا يعلم خفاياها

بلادي صلبها خثعم ولانضفي عليها شان
رسمها في العرب مجدا وأكثر في مراياها

حياتي في تراب المجد افديها بلا خذلان
واترك من عبث فيها بجهل(ن) في مزاياها

جهول عقول تخفي مجدها وتجيره لفلان
فغابت معرفة شبان.. جهل (ن) في رواياها

تفرقنأ ..تحاسدنا ..وقل الحب في العنوان
على غلطه بديناها.. فاصبحنا ضحاياها

الا ياحيف حيفي ياشيوخ العز والشجعان
اعيدوا إسّمَنا مكسب لنرقى في سناياها

تروا نعرف محبتكم ووقفتكم مع الشبان
ولكن مانبي نكمل عبارات(ن) هقاياها

ختاما اقبلوا مني تحية صابري زعلان
نظم جزل القصيد وشوفه في زواياها