سلمان الحزم

لـ عبدالعزيز عبدالله الضويحي، ، في غير مصنف، آخر تحديث

سلمان الحزم - عبدالعزيز عبدالله الضويحي

الله يعز المملكة و يعز حاكمها العظيم
سلمان بن عبدالعزيز اللي بحكمه صانها

ذاك الامام اللي مشى على السراط المستقيم
حكم الشريعة منهجه بحدودها واركانها

ذاك الزعيم ابن الزعيم ابن الامام ابن الزعيم
درة جبين المملكة الله يعلّي شانها

يابوفهد في ذمتي ماشفت مثلك يالحكيم
لك وقفة يوم الحزم كل قرا عنوانها

عنوانها الحد الجنوبي عاصفة حزم صريم
صارت على روس الشراذم تصطلي نيرانها

شراذم تشرذمت من ملة ابليس الرجيم
خانت مواثيق العهود وخربت باوطانها

واليوم ما باقي سوى جحر يلوذ به الغشيم
خل العمالة تنفعه يوم اختلف ميزانها

صار التفاوض مطلبه وجيوشهم صارت حطيم
وشرعية الحاكم بقت محدن قرب ميدانها

ورعد الشمال رسالة جابت هدفها بالصميم
ان التحالف قوةً تصعب على عدوانها

بقيادة اللي صاغها بالفكر والراي السليم
سلمان سلمان الحزم لامن بدا دخانها

يوم العواصف والفتن خليت شعبك في نعيم
الله يديمك فخرنا حضرانها و بدوانها

عبدالعزيز بن عبدالله الضويحي
محافظة مرات

1437/8/9ه
© 2024 - موقع الشعر