ياسالكٍ درب الحياة وجديدي
ترخص عليها غاليٍ وانت شفقان
خذ قولتي واسمع كلامٍ مفيدي
الناس مخْبرْ والمخاليق الوان
والعلم خبره ماعلاه الوليدي
اليوم ما تلقى على الارض رضيان
والناس عنده من همومه رصيدي
ترى السعيد اللي رضاها وقنعان
كلٍ رسم دربه . وضنّه فريدي
مير الوكاد الناس خاسر وربحان
شخصٍ طلب رزقه ببابٍ وصيدي
وشخصٍ طلب رزقه بباب له اسنان
احدٍ يديره بالمفاتيح بيدي
يضفر عليه بدون عنوٍ وخسران
واحد يطقه بالصلاف الحديدي
يكسر عليه من المعاليق قضبان
واحدٍ . مكانه ثابتٍ ربط قيدي
لاهو مع الخاسر . ولاهو بكسبان
ما صار صياد الفريده مقيدي
ولا بان علمٍ للرجوله لعلّان
ولا هاز مسنود الطويله لبيدي
متصاحبٍ مع نومِ ما يفتح اجفان
وما يرتوي مذنب هناه السعيدي
يصبح بغدره والمساء مرعب انسان
لاتحسب ان الرب . مغفلْ عبيدي
يوم اخْذتَه . يهلك عنيدٍ وخوان
ويرفع بذكره كل ساعٍ يريدي
روض الجنان وجلسةٍ عند رضوان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.