لاح الكرك عابر ويتبع لها في

لـ ، ، في القنص والطير، آخر تحديث :

لاح الكرك عابر ويتبع لها فيّ
يطير في سهمه شكلْ جول عالي
يقطع مساره بين إشنان واغضيّ
والصوت مطرب منه والقلب مالي
واحدي عليه الشوف مقدر على شيّ
ما غير واقف في رجومٍ عوالي
واقفى على يمة سواقي على الريّ
يطلب محاجير المياه التوالي
وارسلت موقعهن على السلك يا خيّ
عسى على الله يدخلون المجالي
قناصِ صيدٍ طويهم للوعر طيّ
على جيوبٍ مشيها فوق جالي
يطوي لها التاير على رسمة الكيّ
تضرب حجار البيد واسمه بوالي
ال يا تبعها من مكينه شكل ضيّ
تروح لرماسٍ من الناس خالي
ما همهم يطرق على النفس من عيّ
على طروب الروح يفنون غالي
ياهيه ياللي بالمقانيص يا حيّ
ترى هوانا من هواكم يوالي
مير الظروف تخالج النفس بالويّ
وماني على درب المراويح سالي
عسى نباكم ما يحاديه من سيّ
والصيد فايد والمطالب نوالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر