ياحسين قلبي من نهار امس واليوم
زادت هواجيسه وزاد اختفاقه
ماحدن اخذله حق وقول مضيوم
مادري وش جابله الزعل والحماقه
ان كان جوي ما صفا اصبحت مكتوم
والنور يفرحني لميع انشعاقه
قام يتقلب قلبي من امس واليوم
ماهو صري من الزعل والحماقه
ماحدن اخذله حق ولا هوب مضيوم
لاكان من طبعه غريبن مذاقه
وده على رفقة صميدع وشغموم
يوم الظروف يجيلهن اصطفاقه
اطيب الكريم لو هو من القوم
ودي يجي بيني وبينه علاقه
ريف الخوي والجار بلواجب يقوم
ينفعك ولا ينفعك بعض الرفاقه
ترا الردي يامسندي وانت محشوم
ماهو براعي طيب قطاع ساقه
اليا اكترب حبل الشقى وصار مبروم
مسكين ماله بلمهمات طاقه
فاز الاصيل ومربط الكدش مهزوم
اليا جالهن وقت السباق انطلاقه
ترا الردا ماسوم والطيب ماسوم
مثل مياسم راعي الذود ناقه
وسرها عند الفهيمين مفهوم
يدري الفاهم ويش حدر الطباقه
وانا ماني يسامع القيل مهظوم
متحيزمن بحبال ماهي دقاقه
حبلي طويل براسه الدلو محزوم
واليا وصل في جمة البير حاقه
مايقصر دون الجم والري ملزوم
من فضل ربي ياشريف الصداقه
مخلف حسين بن صعيب الديحاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.