راس مالي

يالحبيبه والله ان حبك توطّن في خيالي
وانتي اللي تجمعين بْحبك السامي شتاتي

اعشقك واهواك وابدع فيك من شعري جزالي
لانك اغلا شي في دنياي واجمل امنياتي

اعترف لك باني مْقصّر معك في كل حالي
لكن يشفع لي غلاك اللي سكن في ذات ذاتي

انتي اللي عندي اغلا من ابوي ومن عيالي
واغلا من امي وباقي بالغلا اغلا من بناتي

واغلا من كل البشر عُمّان واخوان وْ خوالي
وانتي اغلا في حياتي من حياتي ياحياتي

لا دعى الداعي بوصلك جيت لو وقت القتالي
انسحب يوم المواجه لجل عينك ياغناتي

لجلك انا اللي اجي . ما قلت لك مرّه تعالي
امتطي لا حان ميعادك ظهور المسرجاتي

اجمل اللحظات للعشاق لحظات الوصالي
ومن غلاك افز لك لوكنت في حلو المباتي

وانتي انتي وحدك اللي في حياتي راس مالي
وانتي اللي بعد موتي ارجي بحبك نجاتي