الفُرص - محمد بن معيض ال مسعود

الفرص يبغي لها عقل ذهين
والغبي ما يوم قد ذب الجبل

يفطن الرجال ويصيد السمين
يترك الهزلات للهزل الخبل

يرسم اهدافه باصرار ويقين
لا يهون لو حصل مهما حصل

دامها بتعزه فدنيا ودين
وترفعه روؤس النوايف لا نزل

فيصم اذنه عن كلام الحاقدين
الي يعد اهم اسباب الفشل

التجاهل يذبح المتطلفين
لا ويعطي صاحبه جرعة مصل

ضد فيروسً يصيب الناجحين
يسبب الاحباط ويجيب الكسل

من جعل نيشانه الغالي الثمين
قدم عينه ثم مشى صوبه وصل

كبر الخطوة بعزمً ما يلين
وانتبه للخطوة وخلك عجل

واترك الي قاعدً قد له سنين
في محله ويتشدق بك .. وقل

من عمل يلقى نتاجه بعد حين
والتمنى ما يفيد بلا عمل

© 2024 - موقع الشعر