فكري المنهك

الا يافكري المنهك ترجيتك علي بالهون
على نفسي ترفق لا تحملني ما لا أطيقه

هواجيسي بلتني لخبطت لي سستم القالون
تقفي بي عن العالم وتقبل بي على الضيقه

اجامل لعنبا بعض المجامل يالربع تكفون
عسى الله لا ينزل منزلتنا في مخاليقة

واشيل حمول خلق الله واصححهم ولا يبغون
وكن عندي هدف اسعى واصحح لجل تحقيقة

وانا مالي طمع يوم ابذل المجهود لا يخطون
ياكود النفس ما تهوا الخطا البين ولا تطيقه

صريحً وامتلك عقل يقديني وعندي عيون
اشوف بها الخطا واضح ولو زادو في تبريقة

ولي مبدا عليه امشي ولا لي كل يومً لون
ولاني الي على حسب العطا يوزن طواريقه

واحب الصمت في غير الكلام الواضح الموزون
ولا اجامل ولا اصدق في شي صعب تصديقة

ولا امشي حسب مظهر ولا اجذب بضحك سنون
ولا يلفت عناية ناظري مدحة وتصفيقه

لذا يا فكري المنهك تريح ريح القالون
على نفسي ترفق لا تحملني ما لا أطيقه