يالله يارب المخاليق يالله
يامدبر كونك عليك اتكالي
يامن ترا الخافي وبالستر ترفاه
وعاصم عبيدك من صدوف الليالي
تفرج لمن فالسجن ثقلت خطاياه
حمله ثقيل وخصني بالمجالي
من يدرك الضميان جزاه لاسقاه
جنه فكيف للي لدينه يصالي
حمدان من قوم" عزيزه لها جاه
وايام باذن الله يفك العقالي
من يزبن عتيبه سلامه ومنجاه
كعام العدا يوم الزمن فجتوالي
ماصابه مقدر عسى الله يرفاه
وماكبرت الا عاقبتها الزوالي
نص الديه تمت بالاعلان نقراه
أسخا بها للي مافمده يمالي
عسى الذي قدم له الخير يلقاه
وتنشر له البيضا بروس الجبالي
فكو ولد عم" يكفيه ماجاه
فالسجن كم مسجون صابه هبالي
السيف كل ليل حلومه تغشاه
وروس الجناة فالصبح منها ينالي
صاح الدريك من ضيقة في حناياه
نسمع نحيبه واذكره في ابتهالي
وصلو على الهادي محمد رضيناه
نبينا والحوض عنده زلالي
الشاعر /سعود جمعان الفطيماني السهلي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.