ليا صار مالك بين ربعك فراش وبر
ولافكرهم مرّك ولا قال وش حالك

حداهم غرور وطيش والا حداهم شر
تذكّر مواقفهم ولا تغيب عن بالك

يصدّون والا مايصدون مامن ضر
الاعمار معدودة والارزاق تبرالك

سلام الصدف صدفه ولا فيه شي ايسر
أصول القرايب من تباطا تعنالك

يمرك عشيرك يوم وانتَ عليه اتمر
رفيق الشدايد من تنشّد عن احوالك

ترفّع عن المقفين هجرا يولِّد هجر
ولاتتبع المقفين وتجر موالك

تلاقي بدلهم ناس مثل الذهب والدر
تحيزم بهم جعل التوافيج من فالك

تبي تمشي الدنيا والايام كَر وفر
وما غير وجه الله فاني ومتهالك

ياليت الزمن يسمح بخيمة بوسط البر
وخلوه مع الرحمن وتسد جوالك

عبدالرحمن الناهي الكوح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر