?تعرف هذاك اللي مسوّي فيها ؟

تعرف هذاك اللي مسوّي فيها
‎فاهم ومتفلسف على ادنى هرجه

سوالفه لا جاك ، لا توحيها
‎الحكم فيها مثل : حكم الحَرجه

اللي يفسّر سالفة راعيها
‎اليا سمعها ، جاك راكب سرجه

يشوف نفسه فاهمن . خافيها
‎يصرف مفاهيم الخطا من درجه

لو المسوّلف ، كان ما يعنيها
‎لازم يطلّع سالفه من خُرجه

تلقاه ناشب في نحر راويها
‎في كل مجلس واجتماع وخَرجه

الناس هذي وجه ، لا تعطيها
‎بتصير ف عيون العوارف فِرجه

لانته بكاسبها ولا مرضيها
‎تدرج وراها عالمٍ مندرجه

نوعيتن لا جيت بتجاريها
‎حطتك معها في مواقف حَرجه

#فهد_المنصوري
_______________