وش مسوي. لـ شريفه عبدالله

وش مسوي - شريفه عبدالله

كل ماقلت أتحدى قلبي وأخاصم جنابك
ردني نبضه معاتب جابني عندك حنانه

انت قلي وش مسوي ليش ماينسى عذابك
ليش مايقدر عنادك ليش يعتبرك أمانه

ياحبيب القلب مره علمه يهوى غيابك
بكره يتحسف وتبقى حبر دونه بزمانه

لايغرونك عواذل لايقسونك صحابك
القلب مهما يسامح لامايرضاها الأهانه

حب مادري والا قلبي من سواياتك يهابك
والا في قلبك تمكن يدري بقدره ومكانه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.