بعض الحقيقه - سعد أل سعود ( المنادي )

عيشي على الأحلام ياكل الأحلام
والناس خليها تعيش الحقيقه

بس أعذري جفني عن الحلم لو نام
كثر السهر ماكل عينٍ تطيقه

ان كان قلبك في بحور الهوى هام
وشلون اجل تضمين وانتى غريقه

مشاعرك نسمه ونغمات والهام
بس الوهم عيب القلوب الرقيقه

تبلورت قناعتك عبر الايام
يبقي اقتناعي بالهدف والطريقه

لك العذر لو شفتى بعين الاوهام
دمعه رقت فالحلم بعض الحقيقه

© 2024 - موقع الشعر