صحبة الترقيع مابين الثعل والثعلي

لـ حسن عامر، ، في الفكاهي، آخر تحديث

صحبة الترقيع مابين الثعل والثعلي - حسن عامر

ياهني الشاعراللى لوغلط يُشفع له
وانامالي في مجال الشعرمايشفع لي
 
فالمواقف كل رجالٍ يبين فعله
وأن جاءوقت التحدي قمت أبيّن فعلي
 
حظ من عنده رفيق يمجّدويرفع له
لاتورط قال وينك يالرفيق ارفع لي
 
يدعمه واذانشب ولاورط يفزع له
قال هذي فزعتي واذاورطت افزع لي
 
مثلماقال المثل يزم له ويقطع له
صحبة كبارالبطون أزم لك وتقطع لي
 
يمدحه بالزور ويلمعه ويرقع له
صحبةالترقيع مابين الثعل والثعلي
 
والصدوق اذا هرج مالقي من يسمع له
قال اباصمت دام ما بالناس من يسمع لي
 
دوروالي واحدٍملسون لوادفع له
كلماجبت القصيدمدحدر يلمع لي
 
ليت من جاز القصيد يعود ويراجع له
مايجيزيكون شاعر بالجزاله فعلي
 
حسن عامر آل عيسى
© 2024 - موقع الشعر