الله يبارك بنجد وفي ضواحيه

لـ ، ، في الرديات والمحاوره والمجاراه، آخر تحديث :

التقييم
فهد بن صليم
 .
 سلام ياهل القروب اللي معانيه
 العز ،،،،والمرجله ،،،،والاستقامه
 الليل ،،بادي وحنا ،،في مباديه
 والشعر بادي ،،ويالله بالسلامه
 .
 حسن عامر
 يامرحبا يافهد والعلم توحيه
 ياشاعرٍ وافي ونغلي مقامه
 والشعر مثل البحر تكثر موانيه
 واعماقه اتزيد عن تسعين قامه
 .
 فهد بن صليم
 ابك البقا ،،ياصحيبً ،دايم فيه
 المرجله ،،والكرامه،،، والشهامه
 شاعر ليا من لفا للشعر طاريه
 كلن حسب له حساب في كلامه
 .
 حسن عامر
 تسلم وتبقى وراسك في عوافيه
 مابه زياده عليكم فالكرامه
 لابداع عندك وبانت لي مواريه
 فهد فهد شاعر وعلق وسامه
 .
 فهد بن صليم
 اللعب ساري ومعجبني مساريه
 والخط ممدود،، والهامات،، هامه
 لياك ،،،حد ،المعاني،،،، لا تعديه
 من شان ،،مايلحقك ،،،اية ملامه
 .
 حسن عامر
 اللعب ياصاحبي نرفع قوافيه
 مثل الثياب الجدد فيها الفخامه
 ترا عميلك يوصي لا توصيه
 معروف بارض الحجاز وفي تهامه
 .
 فهد بن صليم
 ادري ومن كان في مثلك نخاويه
 محزم وغيرك ،،فلا نبغى حزامه
 يامبدعً في الحجاز وفي نواحيه
 حنا ،،،ترانا على نجد ،،،وسنامه
 .
 حسن عامر
 اللى نوى الحج له فرضٍ يؤديه
 عند المواقيت لا ينسى حرامه
 والله يبارك بنجد وفي ضواحيه
 ومن له على نجد سلطان وزعامه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2018 - موقع الشعر