يالله السلامة

لـ الحسن العسيري، ، في العتب والفراق، آخر تحديث

يالله السلامة - الحسن العسيري

وين رحت وسبت لي الهم وتحف هالغرفتين
وإنت كنت أول إذا أحتجتك تجيني في المنام

وين رحت وسبت دمعة حايرة في وسط عين
وروح يبسها الأنين وضامها سوء الختام

وين رحت وسبتني ويا القصيد وجمرتين
وكم حروفٍ أبجديه ماملت عين الكلام

وين رحت وسبتني في عالمٍ مابه حنين
إلا مابه لا غرام .. ولا وئام .. ولا أنسجام

عقبك الشمس في حياتي أستحت عيت تبين
والبخت في غيابها عباد شمسٍ ما أستقام

عقبك أستاحش سكوني والفضاء بائس حزين
بدنيةٍ في عين منهو يكلمك بورة ظلام

واقعي عقبك خيالٍ عاش في قربك سنين
وأحتضر عند الفراق وقالت الذكرى سلام

مابقى عقبك يواسيني سوى هالشمعتين
والرسايل محتفظ فيها يجي عشرين عام

راس مالي حلم عيا لا يواطنه اليقين
والمصيبه كم عثر في وجه ميلاته وقام

حلم نظمته قصايد ما كتبته في الجبين
في قصيدي أحتويته ما شكيته لا حرام

إيه أنا اللي من قصيده فاح سدر وياسمين
وأختلط في داخله مسك القوافي بالهيام

إيه أنا اللي في قصيده لاح نجم العاشقين
وزف لك من كل معنى أطلق عنانه وحام

وأنت ياالله السلامة ماتقول إن لك ظنين
لا ذكرت .. ولا سألت .. ولا عرفنا لك مقام

سيدي .. يا سيدي وينك على مر السنين
ما ولهت ..وما أنشغلت ..وما نبض عرق الغرام

وين وداك المفارق ..أسألك يا هيه وين
دب تيار الفراق وضعت في وسط الزحام

سيدي وينك تشوف الحال والقلب الحزين
مابقى في جسم من تغليه يا كود العظام

شعر/الحسن العسيري poet_alhassan
© 2024 - موقع الشعر