قامت مصايب - حاتم منصور

الهادي الله ويش اخلّي و اعدّي
و على القوافي بالجزايل صعدنا

ما جيت ادور للفضايح و ردّي
استر عيوبٍ واضحه في وهدنا

الوالي يعلم ويش انا كان ودّي
و الله خلقنا والله وحده فرقنا

يا مدور العزوه انا عند عهدّي
عزوه على الفزعه لونّا وحدنا

حنا ضرينا عالبلاوي نضدّي
و يآمآ مسحنا من خطايا وجدنا

سقى الله وقتٍ عاشه جدك و جدّي
ذاك الزمان اللي افتقدنا و فقدنا

امر الجماعه لا بيّدك و يدّي
لنا كبيرٍ . . . لا طلبنا وجدنا

جتك القصيدة و البلى باح سدّي
و قامت مصايب يوم حنا قعدنا

© 2024 - موقع الشعر