ملامح حر

لـ حاتم منصور، ، في الوطنيات، 35

ملامح حر - حاتم منصور

بغيت ارسم وجع شفته . . لقيتك يالألم تكفير
و اذا فكرت في رسمه يعيش و ينتهي الاحسان

يا لوحة رسمتي وشلون ابرسم فكرة التحرير
و بروازك يحول رسمتي فكره وسط قضبان

انا ناضلت لافكاري و بديت اشجب لها تنكير
و فرشاتي بها عَبرَه . . تبي ترسم لها انسان

يا دمعة فرشتي كافي لقيت لفكرتي تبرير
ابشرح حالة احساسي و ربي الواحد المنان

اجر الآآآآه في صدري غدى من جرها تأثير
شكت آخر ضلوعي حرها . . و اتوطنت احزان

وصلت لقمة الإحباط و قلت : اتجنب التفكير
و قلت اتجنب الرسمه و اترك فاقد الاحضان

زمآن . . . الروح تتأمل شعور و قوة التكبير
كبرنا . . . و اللي يتأمل يموت بسبة الخذلان

نعيش بعالم البرزخ . . . نعاني حالة التهجير
نحاول حتى بالفكره . . و لكن وينها الاوطان

نعيش الهم . . . و الغربه على فرشاتنا تكسير
و تموت افكارنا داخل اطار . . وللاسف سجان

حلمت بفكره و لكن عجزت القى لها تصوير
عجزت ارسم ملامح حر ما يشكي من الحرمان

© 2024 - موقع الشعر